22 студзеня ў Гомелі адзначалі гадавіну з дня трагічнай смерці беларуса Міхаіла Жызнеўскага. Яго забілі стрэлам у сэрца на вуліцы Грушэўскага ў Кіеве.
У Гомель да Ніны і Міхаіла Жызнеўскіх, бацькоў героя «Нябеснай сотні» ішлі сваякі і знаёмыя, гомельскія грамадскія актывісты.
Прыехаў падтрымаць сям’ю героя і выказаць падзяку за сына й дарадца ўкраінскай амбасады ў Менску Валер Джыгун, а з Кіева — знаёмыя Міхаіла Жызнеўскага па Еўрамайдану.
Апоўдні ўсе выправілася на могілкі ў вёску Сцяг Працы, дзе пахаваны Міхаіл Жызнеўскі. Сьцяг Працы — да перайменавання вёска называлася Абрэзы — гэта радзіма маці Міхаіла. Дзяцінства Мішы, па сутнасці, тут і праходзіла.
Магіла Жызнеўскага ўся ў вянках, злёгку прыцярушаных снегам. Крыж і часовы абеліск абвітыя нацыянальным украінскім сьцягам.
Тут ужо стаіць жалобны кошык з блакітна-жоўтымі кветкамі і надпісам на стужцы такіх жа колераў: «Герою Нябеснай Сотні Міхаілу Жызнеўскаму» — гэта ад украінскай амбасады ў Мінску.
Ніна Жызнеўская праз слёзы апавядае, што многія блакітна-жоўтыя сцяжкі былі пазрываныя, а стужка з надпісам «Герою Нябеснай Сотні ад Харкава» — разрэзаная. Бацькі знайшлі яе кінутай за дзясяткі мэтраў ад магілы, падабралі й прымацавалі назад да жалобнага кошыка з Харкава. Гэтак было і са сцягам.
«Сёньня былі з украінскай амбасады — я ім пра гэта ўсё распавяла. Яны адказалі, што будуць звязвацца з Аляксандрам Лукашэнкам, з мясцовай уладай. І я буду зараз дамагацца выхаду на Пятра Парашэнку, каб Украіна дапамагла мне абараніць магілу сына. Па-іншаму не атрымаецца. Бо ўсё тут разваляць, разбураць. Тым больш што нашы беларусы збіраюць сродкі на помнік Мішу».
Завяршылася ўшанаванне памяці Міхаіла Жызнеўскага памінальнай вячэрай у кавярні ў Гомелі.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ8
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары