У 2014 годзе беларусы сталі больш купляць агародніны, садавіны і рыбы. Пра гэта паведаміла намеснік міністра гандлю Ірына Наркевіч на прэс-канферэнцыі ў Мінску 27 студзеня.
Паводле яе слоў, летась беларусы патрацілі на садавіну на 20,9% больш, чым у 2013 годзе. Прырост па дзіцячым харчаванні склаў 9,7%, па агародніне — 8,5%, па рыбе, ракападобных малюсках і алеі — 7,4%, па кандытарскіх вырабах з цукру — 4,4%, па мясе — 5,4%.
«Беларусы сталі менш ужываць мяса з-за актыўнага павышэння цэн на яго, але калі ў харчаванні агародніна, садавіна і рыбныя прадукты займаюць вялікую долю, гэта добры паказчык. Гэта добра для здароўя нашага насельніцтва», — зазначыла Наркевіч.
Купля будаўнічых матэрыялаў летась у параўнанні з 2013 годам павялічылася на 25%, сінтэтычных мыйных сродкаў — на 14,7%, абутку — на 14,6%, тэлевізараў — на 12,1%, панчошна-шкарпэткавых вырабаў — на 11%, верхняга адзення — на 6,7%, пральных машын — на 4,8%, трыкатажных вырабаў — на 4%.
У цэлым у 2014 годзе рознічны тавараабарот гандлю праз усе каналы рэалізацыі склаў 308,4 трлн рублёў і павялічыўся ў параўнанні з 2013 годам на 6,6%. Удзельная вага продажу харчовых тавараў склала 49,4%, нехарчовых тавараў — 50,6%.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары