«Прорва»: хочаш прыгожы мультфільм — плаці загадзя ВІДЭА
На стварэнне 10-хвіліннага мультфільма аўтары прасілі на Kickstarter $5 тыс., а атрымалі амаль у 5 раз болей.
Увосень 2013 года тры аніматары з Манрэаля (Канада) распачалі на краўдфандынгавай платформе Kickstarter кампанію па зборы сродкаў на кароткаметражны мультфільм «Le Gouffre» («Прорва»).
Праект яны называлі сваім самым амбіцыёзным — мастакі засвойвалі новую тэхніку анімацыі, а разам з тым распавядалі натхняльную гісторыю. Вынік уражвае.
Два вандроўнікі прыходзяць да каньёну, які не абысці і не пераскочыць. Яны вырашаюць збудаваць мост. Іх задума здаецца немагчымай.
Такім жа немагчымым здаваўся мультфільм, над якім аніматары працавалі са студзеня 2012 года па люты 2015-га. На «Прорву» яны назбіралі толькі меней за 25 тысяч даляраў — але тое было ў 5 раз болей за запатрабаваную суму. І яна была патрэбная адно на аплату агучкі (хай у мультфільме і амаль няма слоў) і музыкі. Аб стварэнні мультфільма аўтары знялі асобнае кароткае відэа.
Мультфільм цяжка назваць камерцыйным — стваральнікі спадзяюцца на фестывалі альбо распаўсюд праз інтэрнэт. Яшчэ да выхаду поўнай версіі «Прорва» сабрала ўзнагароды на анімацыйных і кінафестывалях.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары