Пракуратура абараніла правы састарэлай жанчыны, якая страціла кватэру па волі сядзелкі
Сродкамі пракурорскага нагляду адноўлены парушаныя правы састарэлай жыхаркі Магілёва.
Як паведаміла старшы памочнік пракурора Магілёўскай вобласці Ала Кузняцова, на падставе інфармацыі, атрыманай з упраўлення па працы, занятасці і сацыяльнай абароне Бялыніцкага райвыканкама, пракуратурай Магілёва была праведзена праверка ў дачыненні да 84-гадовай жанчыны, якая жыве ў вёсцы Цехцін Бялыніцкага раёна.
Устаноўлена, што ў 2011 годзе яна заключыла з іншай жанчынай дагавор пажыццёвага ўтрымання з утрыманнем, які ва ўстаноўленым законам парадку быў натарыяльна засведчаны і зарэгістраваны. Згодна з дакументам, памочніца прыняла на сябе абавязацельствы ўтрымліваць пенсіянерку, якая, у сваю чаргу, перадала ёй ва ўласнасць аднапакаёвую кватэру ў Магілёве, і сядзелка зарэгістравала права ўласнасці на жыллё за сабой.
У студзені 2012 года памочніца са згоды падапечнай усялілася ў кватэру разам з мужам і двума малалетнімі дзецьмі і зарэгістравалася ў ёй. У адпаведнасці з дагаворам жанчына прыняла на сябе абавязацельствы па забеспячэнні пенсіянеркі жыллём шляхам захавання права пажыццёвага бязвыплатнага пражывання ў адчужаемай кватэры, забеспячэнні харчаваннем і аддзеннем, набыццём лекаў, аказаннем розных бытавых паслуг.
Аднак абавязацельствы свае не выконвала, не даглядала за падапечнай. Бабуля фактычна жыла ў бацькоўскім нядобраўпарадкаваным доме ў антысанітарных умовах у сельскай мясцовасці. Работнікі Цехцінскага сельсавета і мясцовыя жыхары прыносілі ёй прадукты харчавання і даглядалі за ёю. Пенсіянерка не мела грашовых сродкаў, прадуктаў харчавання, спала на халоднай печы з сабакамі.
Пракурорам Магілёва быў заяўлены ў суд Ленінскага раёна горада іск аб скасаванні дагавора пажыццёвага ўтрымання з утрыманнем, а таксама аб высяленні «памочніцы» і членаў яе сям'і з магілёўскай кватэры без выдзялення іншага жылога памяшкання.
Іскавыя патрабаванні судом поўнасцю задаволеныя.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары