Уручылі ордэн «Беларускія казакі», а наогул, па чутках, першыя два ордэны атрымалі Віктар Шэйман і Дзьмітры Паўлічэнка.
Леаніда Фармагея ўзнагародзілі «за бездакорную службу ў праваахоўчых органах, асабісты ўнёсак у ахову правапарадку ды ў гонар 70‑годзьдзя ўтварэньня Віцебскай вобласьці». Узнагародзіла Фармагея Ўсебеларускае аб’яднанне казацтва. Паводле віцебскага атамана Васіля Раманенкі, кіраўнік віцебскай міліцыі стаў трэцім ў Беларусі кавалерам ордэна Сталіна, паведамляе Эўрарадыё
***
Паводле некаторых звестак, першыя два ордэны Сталіна ў Беларусі атрымалі дзяржсакратар Рады бяспекі Віктар Шэйман і палкоўнік Дзмітрый Паўлічэнка.
Зазначым, што падпалкоўнік Леанід Фармагей зь лістапада 2001 г. па кастрычнік 2002 г. быў начальнікам Упраўленьня ДАІ Міністэрства ўнутраных спраў Беларусі -- начальнікам рэспубліканскага ДАІ. Загадам міністра ўнутраных спраў 31 кастрычніка 2002 г. ён быў вызвалены ад займаемай пасады з фармулёўкай: ня справіўся з абавязкамі. Леаніда Фармагея зьнялі за "адсутнасьць належнага кантролю за працай камісій, што праводзілі пераатэстацыю работнікаў ДАІ ў афіцэрскія званьні".
Фармагей быў вядомы як ініцыятар рэфармаваньня ДАІ і МУС. Ён, напрыклад, прапаноўваў пакінуць на трасах толькі афіцэраў, забараніўшы ім зьбіраць штрафы на месцы.
У сакавіку 2007 г. Л. Фармагей быў прызначаны начальнік Упраўленьня ўнутраных спраў Віцебскага аблвыканкама.
Цяпер чытаюць
У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай20
Каментары