Расавіяцыя заявіла аб гатоўнасці многіх краін аднавіць авіясувязь з Расіяй
Многія з краін, якія прыпынілі палёты ў Расію ад пачатку вайны з Украінай, гатовы аднавіць авіязносіны, паведаміў кіраўнік Расавіяцыі Дзмітрый Ядраў.
«Мы знаходзімся ў дыялогу з авіяцыйнымі ўладамі мноства краін. Многія краіны, якія прыпынілі палёты, гатовы іх аднаўляць», — цытуе яго ТАСС.
Пры гэтым канкрэтныя дзяржавы ён не назваў.
Пасля пачатку вайны ва Украіне ЗША і краіны Еўрасаюза закрылі сваю паветраную прастору для расійскіх самалётаў. Расія адказала люстрана ў адносінах да 36 краін, забараніўшы палёты без спецыяльнага дазволу Расавіяцыі або МЗС.
Усяго на сённяшні дзень з Расіі без перасадак можна паляцець у 38 краін.
У Беларусі праблемы з авіязносінамі з іншымі краінамі пачаліся яшчэ да вайны. Шэраг краін закрыў сваю паветраную прастору для «Белавія» пасля прымусовай пасадкі самалёта Ryanair з Раманам Пратасевічам у Мінску ў 2021 годзе.
Цяпер чытаюць
У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай8
Каментары