Заур Дадаеў, адзін з двух абвінавачаных па справе Барыса Нямцова, распавёў праваабаронцам аб сваім затрыманні. Па словах Дадаева, ён даў прызнальныя паказанні, каб выратаваць свайго падначаленага.
Reuters.com
«У момант затрымання я быў з таварышам, з маім былым падначаленым Русланам Юсупавым [Дадаеў служыў у МУС Расіі]. І яны сказалі, што калі я прызнаюся, то яго адпусцяць. Я пагадзіўся.
Думаў, яго выратую, і мяне да Масквы давязуць жывога. А то б здарылася са мной таксама, што з Шаванавым», — заявіў Дадаеў. Біслан Шаванаў, паводле афіцыйнай версіі, падарваўся на гранаце пры затрыманні.
Дадаеў пацвердзіў, што ён быў афіцыйна звольнены з расійскай арміі 28 лютага, гэта значыць на наступны дзень пасля забойства.
«28 лютага выйшаў загад аб маім звальненні, і за тыдзень я з героя ператварыўся ў небяспечнага злачынцу», — сказаў Дадаеў. Ён займаў пасаду намесніка камандзіра спецыяльнага батальёна ўнутраных войскаў «Поўнач».
Праваабаронцам удалося пагутарыць і з іншымі абвінавачанымі па справе Нямцова.
Усе яны заявілі пра сваю невінаватасць, а таксама адзначылі, што іх білі пры затрыманні і патрабавалі прызнальных паказанняў.
Усе абвінавачаныя адзначаюць, што ў турме «Лефортава» пачуваюцца ў бяспецы.
Галыгіна прымусілі апраўдвацца за зварот да сілавікоў у 2020-м17
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары