Былы губернатар Днепрапятроўскай вобласці Украіны Ігар Каламойскі не збіраецца працягваць палітычную кар'еру. Пра гэта ён заявіў у інтэрв'ю The Washington Post.
AP
«У мяне няма на будучыню планаў у палітыцы. Мы супакоім людзей, прадставім новага губернатара, мы проста скажам, што гэта палітычныя перамены», —распавёў ён.
Кажучы пра прычыны свайго сыходу, Каламойскі заўважыў, што «сітуацыя зайшла занадта далёка». «Наступным крокам магло быць абвінавачванне мяне ў сепаратызме, і я прыняў гэта рашэнне [аб адстаўцы], каб супакоіць сітуацыю і паказаць краіне, што я не трымаюся за гэтую пасаду, калі грамадства мяркуе, што я павінен сысці». Паводле яго слоў, ён «заўсёды лічыў сябе больш бізнэсмэнам, чым палітыкам».
Прэзідэнт Украіны Пятро Парашэнка адправіў Каламойскага ў адстаўку з пасады губернатара Днепрапятроўскай вобласці 25 сакавіка. Ва ўказе, падпісаным на сустрэчы з кіраўніком рэгіёна, сказана, што прэзідэнт «задаволіў просьбу аб адстаўцы».
Цяпер чытаюць
Славацкі палітолаг, былы кіраўнік амерыканскага фонда PACT лабіруе збліжэнне з Лукашэнкам3
Каментары