13 красавіка суд Чыгуначнага раёна Віцебска вынес прысуд былому следчаму міжраённага аддзела Следчага камітэта. Супрацоўнік абвінавачваўся ў незаконным абароце наркотыкаў і асуджаны на 12 гадоў пазбаўлення волі з канфіскацыяй маёмасці, паведамляе прэс-служба Вярхоўнага суда Беларусі.
«Абвінавачаны, працуючы на пасадзе следчага міжраённага аддзела СК і маючы спецыяльнае званне (старэйшы лейтэнант юстыцыі), быў абавязаны змагацца з любымі парушэннямі закона, аднак здзейсніў асабліва цяжкія злачынствы супраць здароўя насельніцтва, пры гэтым пераследаваў карыслівыя матывы і сваімі супрацьпраўнымі дзеяннямі здрадзіў інтарэсам службы», — гаворыцца на сайце Вярхоўнага суда.
Паводле матэрыялаў справы, у перыяд з лютага 2014 года і на працягу 10 месяцаў следчы для далейшага продажу купіў у неўстаноўленых асоб у некалькіх месцах Беларусі (Наваполацк, Полацк, Полацкі раён, Мінск і Мінскі раён) небяспечны наркатычны сродак (марыхуану), а таксама асабліва небяспечныя псіхатропы (спайсы, амфетамін і іншае). Тавар грамадзянін захоўваў пры сабе і перавёз дадому, дзе падзяліў на часткі і працягнуў захоўванне для далейшага продажу.
Затым мужчына праз інтэрнэт займаўся распаўсюджваннем наркотыкаў, дзе шукаў кліентаў, агаворваў умовы аплаты і месцазнаходжанне тавару.
Былы следчы абвінавачваўся ў злачынстве, прадугледжаным ч. 3 арт. 328 Крымінальнага кодэкса Беларусі («Незаконны абарот наркатычных сродкаў»). У судзе абвінавачваны цалкам прызнаў сваю віну. Суд таксама прызнаў яго вінаватым і прысудзіў да 12 гадоў пазбаўлення волі з канфіскацыяй маёмасці, з адбываннем пакарання ў папраўчай калоніі ва ўмовах узмоцненага рэжыму.
Былы следчы таксама пазбаўлены на 5 гадоў права займаць пасады, звязаныя са службай у праваахоўных органах. Акрамя таго, грамадзянін пазбаўлены спецыяльнага звання — старшы лейтэнант юстыцыі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары