13 krasavika sud Čyhunačnaha rajona Viciebska vynies prysud byłomu śledčamu mižrajonnaha adździeła Śledčaha kamiteta. Supracoŭnik abvinavačvaŭsia ŭ niezakonnym abarocie narkotykaŭ i asudžany na 12 hadoŭ pazbaŭleńnia voli z kanfiskacyjaj majomaści, paviedamlaje pres-słužba Viarchoŭnaha suda Biełarusi.
«Abvinavačany, pracujučy na pasadzie śledčaha mižrajonnaha adździeła SK i majučy śpiecyjalnaje zvańnie (starejšy lejtenant justycyi), byŭ abaviazany zmahacca ź lubymi parušeńniami zakona, adnak ździejśniŭ asabliva ciažkija złačynstvy suprać zdaroŭja nasielnictva, pry hetym pieraśledavaŭ karyślivyja matyvy i svaimi supraćpraŭnymi dziejańniami zdradziŭ intaresam słužby», — havorycca na sajcie Viarchoŭnaha suda.
Pavodle materyjałaŭ spravy, u pieryjad ź lutaha 2014 hoda i na praciahu 10 miesiacaŭ śledčy dla dalejšaha prodažu kupiŭ u nieŭstanoŭlenych asob u niekalkich miescach Biełarusi (Navapołack, Połack, Połacki rajon, Minsk i Minski rajon) niebiaśpiečny narkatyčny srodak (marychuanu), a taksama asabliva niebiaśpiečnyja psichatropy (spajsy, amfietamin i inšaje). Tavar hramadzianin zachoŭvaŭ pry sabie i pieravioz dadomu, dzie padzialiŭ na častki i praciahnuŭ zachoŭvańnie dla dalejšaha prodažu.
Zatym mužčyna praź internet zajmaŭsia raspaŭsiudžvańniem narkotykaŭ, dzie šukaŭ klijentaŭ, ahavorvaŭ umovy apłaty i miescaznachodžańnie tavaru.
Były śledčy abvinavačvaŭsia ŭ złačynstvie, praduhledžanym č. 3 art. 328 Kryminalnaha kodeksa Biełarusi («Niezakonny abarot narkatyčnych srodkaŭ»). U sudzie abvinavačvany całkam pryznaŭ svaju vinu. Sud taksama pryznaŭ jaho vinavatym i prysudziŭ da 12 hadoŭ pazbaŭleńnia voli z kanfiskacyjaj majomaści, z adbyvańniem pakarańnia ŭ papraŭčaj kałonii va ŭmovach uzmocnienaha režymu.
Były śledčy taksama pazbaŭleny na 5 hadoŭ prava zajmać pasady, źviazanyja sa słužbaj u pravaachoŭnych orhanach. Akramia taho, hramadzianin pazbaŭleny śpiecyjalnaha zvańnia — staršy lejtenant justycyi.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary