Усяго патроху1818

«Дармаед у дэкрэце» ўступіць у бітву з Лукашэнкам за прэзідэнцкі фатэль — гутарка з Юрыем Шульганом

У яго няма пашпарта і пастаяннага даходу. 38-гадовы Юрый Шульган называе сябе «дармаедам у дэкрэце». Заручыўшыся падтрымкай Беларускай партыі «Зялёныя», ён збіраецца ўступіць у бітву з Аляксандрам Лукашэнкам за прэзідэнцкі фатэль.

Naviny.by сустрэліся з патэнцыйным кандыдатам у прэзідэнты і пагаварылі з ім аб выбарчай кампаніі

«Аляксандр Рыгоравіч сказаў, што калі знойдзецца дастойны чалавек, то ён саступіць яму месца. Вось я больш дастойны. Аляксандр Рыгоравіч, саступайце, калі ласка, месца!» — пачаў свой аповед Юрый Шульган.

Ён нарадзіўся ў вёсцы Мошкавічы Бярозаўскага раёна. У яго «шматкроць» няскончаная вышэйшая адукацыя. Юрый Шульган не стаў удавацца ў падрабязнасці, чаму так атрымалася.

«Мне мае выкладчыкі казалі: «Навошта вы сюды прыйшлі? Вы ведаеце больш, чым мы! Выбачайце, да пабачэння!» Я ўсё жыццё вучыўся. Зараз збіраюся павучыць іншых», — кажа патэнцыйны кандыдат.

З 2000 года ён жыве ў Мінску «ў сваіх сяброў». Пастаяннага даходу ў яго няма.

«Работа — ад слова «раб». Я не работаю, я працую. Нядаўна я з'ездзіў да сябе на радзіму і пасадзіў бульбу. Часам я сяку дровы, раблю платы. Я аказваю людзям рэальную дапамогу. За гэта мне даюць нейкую капейку. Няўжо вы думаеце, што ў нас бессардэчныя людзі», — распавядае Юрый Шульган.

Ён налівае сабе яшчэ адзін шклянку гарэлкі, выпівае, закусвае і залазіць на дрэва, што стаіць побач

«Труд зрабіў з малпы чалавека. Я памятаю свае карані. Я не жыву за кошт іншых. Я жыву за кошт сябе», — кажа Юрый Шульган і просіць называць яго «дармаедам у дэкрэце».

Зараз патэнцыйны кандыдат у прэзідэнты фармуе свой штаб і распрацоўвае перадвыбарчую праграму. Ён мае намер наведаць беларускія рэгіёны, каб пагутарыць з выбаршчыкамі.

«Мой электарат — гэта народ Рэспублікі Беларусь. Я не буду крычаць, што я ўсіх выратую. Ніякага папулізму не будзе! З кожным чалавекам я буду абмяркоўваць яго індывідуальныя праблемы. Я іду на гэтыя выбары, каб дапамагчы канкрэтнаму чалавеку. Індывідуальны падыход — галоўны момант нашай кампаніі», — распавядае Юрый Шульган.

Кандыдата-самавылучэнцаў гатовая падтрымаць Беларуская партыя «Зялёныя». Юрый Шульган не выключае супрацоўніцтва з іншымі ўдзельнікамі прэзідэнцкай гонкі. У прыватнасці, пра свае намеры паўдзельнічаць у цяперашніх выбарах заявіла актывістка кампаніі «Гавары праўду» Таццяна Караткевіч і лідар Аб'яднанай грамадзянскай партыі Анатоль Лябедзька.

«І з Толечкам, і з Танечкай мы пагаворым», — абяцае Юрый Шульган.

Ён не баіцца сваіх будучых канкурэнтаў на выбарах, а «любіць» іх. Больш за ўсіх — дзеючага прэзідэнта.

«Я пачаў думаць пра Беларусь менавіта дзякуючы яму. Калі б не ён, то я б ніколі на гэта не адважыўся. Мы будзем працягваць яго справу. Я асабіста гатовы пакласці сваё жыццё дзеля Беларусі. Бясплатна! Мне не патрэбна зарплата. Я яе ніколі не атрымліваў», — распавядае «дармаед у дэкрэце»

Хочаш, каб прыйшла вясна, галасуй за Шульгана!» — заклікае патэнцыйны кандыдат. Ён спадзяецца, што яго падтрымаюць «разважлівыя людзі».

Калі ён пераможа на выбарах, то ў першую чаргу абяцае добра адзначыць гэтую справу.

«Я не буду зваць людзей на Плошчу, я буду зваць усіх у буфет!» — падкрэслівае Юрый Шульган.

Каментары18

Цяпер чытаюць

Трамп паверыў у поўную перамогу Украіны25

Трамп паверыў у поўную перамогу Украіны

Усе навіны →
Усе навіны

Вызвалены відэааператар «Белсата» Вячаслаў Лазараў: Каб абараніць жонку, браў усю віну на сябе. Але і яе пакінулі ў СІЗА

У Магілёве дзед у кавярні даў кіем па галаве мужчыну, што груба і гучна сварыўся з жонкай4

«Усё хутка разваліцца — а мы тут жывём». Жыхары барака ў Рэчыцы звярнуліся да Лукашэнкі3

Трамп прызнаў Антыфа тэрарыстычнай арганізацыяй21

Хлопец з Індыі паступіў вучыцца ў Санкт-Пецярбург, а ў яго адабралі пашпарт і адправілі на вайну4

Колькі трэба адкладаць у месяц, каб купіць кватэру па новай сістэме будаўнічых зберажэнняў2

У Польшчы затрымалі групоўку, якая па-за санкцыямі пераганяла люксавыя аўто ў Беларусь і Расію3

На вуліцы Карла Маркса ў Мінску прадаюць яркую сталінку. Квадрат каштуе больш за $4400

Мінчанка прадала машыну за 900 рублёў, а праз чатыры гады даведалася пра доўг 6000 рублёў4

больш чытаных навін
больш лайканых навін

Трамп паверыў у поўную перамогу Украіны25

Трамп паверыў у поўную перамогу Украіны

Галоўнае
Усе навіны →

Заўвага:

 

 

 

 

Закрыць Паведаміць