Старшыня Партыі БНФ адказвае на рэдакцыйны артыкул у «Белорусской военной газете».
Дзякую за публікацыю майго допісу ў нумары за 6.02.2008 г. Шкада, што рэдакцыя Вашай газеты павярхоўна і некрытычна падышла да непрафесійнага матэрыялу публіцыста А.Максімава, апублікаванага на тыдзень раней, і паспрабавала блытанай шматслоўнасцю абяліць гонар свайго мундзіра. Спадзяюся, што чытачы самі здолелі ацаніць, дзе ёсьць факты, а дзе ‑‑ прыцягнутыя за вушы «факцікі». Герб «Пагоня» існуе, самае меншае 700 гадоў, а бел‑чырвона‑белы сьцяг, як мінімум 90 — даўжэй, чым «Белорусская военная газета», і даўжэй, чым нам з Вамі адмерана жыць на зямлі. Між іншага, 21 ліпня 1994 г. я асабіста прысутнічаў пры тым, як першы прэзідэнт Рэспублікі Беларусь А.Лукашэнка прымаў прысягу менавіта пад бел‑чырвона‑белым сцягам і гербам «Пагоня». Гісторыю трэба не перапісваць (бо ўсё адно не ўдасца!), а паважаць і шанаваць. Чаго вам жадаю. Таксама, як жадаю часцей заглядаць у слоўнікі і хоць бы збольшага разабрацца ў значэнні рускага слова «претензия».
Цяпер чытаюць
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары