У заўтрашнім нумары «Белорусской военной газеты» будзе надрукаваны артыкул старшыні Партыі БНФ, дасланы ў рэдакцыю ў адказ на публікацыю «Дима Железниченко как зеркало несоcтоявшейся «Васильковой революции». Сёньня ліст і рэдакцыйны адказ зьмешчаны на сайце выданьня.
Газэта зьмясьціла таксама рэдакцыйны камэнтар да ліста «Кому же подражает БНФ», дзе закіды старшыні Партыі БНФ аспрэчваюцца па пунктах і даводзіцца рацыя А. Максімава.
У прыватнасьці, зазначаецца, што аўтар Андрэй Максімаў абсалютна справядліва мяркуе, што «Моладзь БНФ» капіюе мадэлі паводзінаў сваіх ідэйных натхняльнікаў — ідэолягаў былога нацыяналістычнага руху «БНФ» («Беларускі народны фронт»), які рассыпаўся цяпер на дробныя апазыцыйныя партыі. (…)
«Праграмныя дакумэнты адной з такіх бэнээфаўскіх партый, той якая кансэрватыўна‑хрысьціянскага кшталту, ці, як яе яшчэ называюць пазьнякоўскай, утрымлівае да дзікунства бязглуздыя сьцьверджаньні. Сёньняшнія Ўзброеныя сілы РБ быццам бы не зьяўляюцца ў поўнай меры беларускай арміяй». Прыводзіцца таксама нібыта «мэтанакіраваная палітыка, якая абвастрае праблемы арміі служыць чужой дзяржавы».
Поўны тэкст артыкулу Лявона Баршчэўскага і камэнтар "Белорусской военной газеты. Во славу Родины"
Каментары