За мінулыя суткі ў выніку баявых дзеянняў у зоне АТА загінуў адзін украінскі ваенны, яшчэ 21 — атрымаў раненні.
Пра гэта ў ходзе брыфінгу 14 чэрвеня паведаміў прадстаўнік АП па пытаннях АТА Аляксандр Матузянік.
Паводле яго даных, колькасць інцыдэнтаў парушэнні перамір'я з боку баевікоў ўзрасла.
«Незаконныя ўзброеныя фармаванні працягваюць выкарыстоўваць узбраенне, забароненае мінскімі пагадненнямі. Так, за мінулыя суткі бандфармаванні 32 разы ўжывалі 120-мм мінамёты, 10 разоў — артылерыю калібру 122 і 152 мм, 11 разоў білі з танкаў. На Луганшчыне баевікі зноў двойчы ўжывалі сістэмы «Град-П»(«Партызан»)», — паведаміў Матузянік.
Таксама баевікі актыўна выкарыстоўваюць беспілотныя лятальныя апараты для ажыццяўлення паветранай выведкі, у межах Данецкай і Луганскай абласцей ўкраінскія памежнікі і ваенныя зафіксавалі палёт 19 беспілотнікаў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары