Намінальны налічаны сярэднямесячны заробак работнікаў Беларусі ў студзені—маі склаў Br6 млн 380,1 тыс. Сярэдняя зарплата ў маі дасягнула Br6 млн 687,6 тыс., яна павялічылася ў параўнанні з красавіком на 2,3%, або на Br151,5 тыс., паведамілі ў Нацыянальным статыстычным камітэце.
Рэальная заработная плата (заработная плата, разлічаная з улікам росту спажывецкіх цэн на тавары і паслугі) у студзені—маі 2015 года ў параўнанні са студзенем—маем 2014 года зменшылася на 3,2 працэнта. Рэальная зарплата ў маі ў параўнанні з красавіком гэтага года павялічылася на 1,6%.
Паводле аператыўных даных Белстата, у маі ў прамысловасці сярэдняя заработная плата склала Br6 млн 952,6 тыс., у будаўніцтве — Br7 млн 660,3 тыс., на транспарце і ў сувязі - Br7 млн 469,6 тыс., у сельскай і лясной гаспадарцы - Br5 млн 28,4 тыс. У адукацыі яна была Br4 млн 996,1 тыс., у тым ліку настаўнікаў — Br6 млн 154,4 тыс., прафесарска-выкладчыцкага складу — Br8 млн 32 тыс. Заработная плата работнікаў аховы здароўя ў маі склалася ў памеры Br5 млн 639,9 тыс., сярэдняя заработная плата дактароў склала Br9 млн 167,3 тыс., сярэдняга медыцынскага персаналу — Br5 млн 664,4 тыс.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза25
Каментары