Імя Пуціна згадваецца ў дакуменце тры разы, але асабіста яго ў сувязях з мафіяй не абвінавачваюць.
Дзесяцігадовае расследаванне выкрыла сувязь Тамбоўскай арганізаванай злачыннай групоўкі з найвышэйшымі службовымі асобамі Расіі, перадае Bloomberg заяву мадрыдскіх пракурораў.
Тамбоўская злачынная групоўка пераехала ў Іспанію ў 1996 годзе дзеля адмывання прыбытку ад незаконнай дзейнасці, пішуць пракуроры ў петыцыі да Цэнтральнага суда. Ім дапамагалі ключавыя асобы атачэння Пуціна.
У дакуменце звязанымі з групоўкай называюцца блізкія паплечнікі Пуціна, у тым ліку кіраўнікі «Газпрома» Аляксей Мілер і Віктар Зубкоў, старшыня Следчага камітэта Аляксандр Бастрыкін, экс-міністр абароны Анатоль Сердзюкоў, намеснік старшыні ўрада Дзмітрый Казак, першы намеснік старшыні камітэта Дзярждумы па фінансавым рынку Уладзіслаў Рэзнік і іншыя.
Хадайніцтва ёсць афіцыйным запытам на абвінавачанне 27 чалавек у адмыванні грошай, махлярстве і іншых злачынствах. Згода суддзі будзе значыць магчымасць пачатку суду, але ў Іспаніі суд не можа адбывацца завочна.
Некалькі раз у дакладзе згадваецца Пуцін, у тым ліку ў перадачы размовы двух тамбоўскіх аператыўнікаў у 2007 годзе, якія кажуць пра дом Пуціна ў Тарэв’ехе (Іспанія).
Лідар групоўкі Генадзь Пятроў быў затрыманы ў Маёрцы (Іспанія) ў 2008 годзе, але адпушчаны для вандроўкі на радзіму, з якой не вярнуўся (Расія не пагадзілася на экстрадыцыю).
Сцвярджаецца, што Пятроў з Іспаніі кіраваў пераважна расійскімі справамі: забойствамі, правозам зброі, кантрабандай наркотыкаў, вымагальніцтвам і махлярствам, дамагаўся прызначэння «сваіх людзей» на важныя пасады ў Расіі.
Палітычныя і юрыдычныя кантакты Пятрова ў Расіі кансультавалі яго па пытаннях бяспекі, давалі інсайдэрскую інфармацыю па бізнесе, выдавалі планы па барацьбе з арганізаванай злачыннасцю.
Прэс-сакратар Пуціна Дзмітрый Пяскоў назваў дакумент «поўным нонсансам». «Гэта па-за межамі здаровага сэнсу», — сказаў ён.
Цяпер чытаюць
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары