Праект указа «Аб мерах па прадухіленні выплаты ўзнагароджання за працу з ухіленнем ад выплаты падаткаў і іншых абавязковых плацяжоў» будзе ўнесены ва ўрад у найбліжэйшы час.
Аб гэтым паведамілі ў аддзеле інфармацыйна-растлумачальнай працы Міністэрства па падатках і зборах.
«Зараз у праект указа МПЗ уносяцца асобныя непрынцыповыя карэкціроўкі. У першай дэкадзе ліпеня праект указа будзе ўнесены на разгляд ва ўрад», — сказалі спецыялісты.
Раней праект указа быў вынесены на грамадскае абмеркаванне, тэкст указа размешчаны на афіцыйным сайце МПЗ.
Як растлумачылі спецыялісты, у ходзе абмеркавання ў МПЗ паступалі ў асноўным пытанні, якія тычацца парадку падаткаабкладання неадлюстраваных у бухгалтарскім уліку даходаў і абмену інфармацыяй паміж кантрольнымі органамі. Акрамя таго, некаторыя прапановы тычыліся парадку афармлення працоўных адносін і прадастаўлення звестак у органы Фонду сацыяльнай абароны насельніцтва аб заключаных з грамадзянамі працоўных і грамадзянска-прававых дамовах.
Згодна з праектам указа, калі грамадзянін паведаміць, што атрымлівае заробак у канверце, і (або) прадаставіць дакументы, якія сведчаць аб прыкметах такога парушэння, то плаціць падаходны падатак з шэрых сум яму ўжо не давядзецца. Яшчэ адна ўмова падатковай «амністыі» - пісьмовая згода на дачу паказанняў сведак.
Праектам указа прадугледжана, што пра факты атрымання заробку ў канверце можна будзе паведаміць у падатковыя органы, ФСАН і яго тэрытарыяльныя органы, а таксама ў «Белдзяржстрах». Сюды ж неабходна будзе даць згоду на дачу паказанняў сведак.
У межах сваёй кампетэнцыі падаткавікі, ФСАН, «Белдзяржстрах» будуць прымаць меры для пацверджання факту выплаты зарплаты ў канверце. Калі спатрэбяцца дадатковыя праверкі, то, у адпаведнасці з праектам указа, гэтым зоймуцца органы фінансавых расследаванняў Камітэта дзяржаўнага кантролю і Міністэрства ўнутраных спраў.
Акрамя таго, у дакуменце прапісана адказнасць працадаўцаў, віна якіх будзе даказаная. Прадугледжаны штрафы ад 1 да 100 базавых велічынь (цяпер адна б.в. складае Br180 тыс.). За паўторнае парушэнне на працягу года штрафы падвояцца.
Цяпер чытаюць
Мастакоў Рымашэўскага і Шчамялёву пратрымалі амаль год у СІЗА, але далі такі тэрмін, каб у судзе адпусціць дадому2
Каментары