Згодна з дакладам нідэрландскіх экспертаў, малазійскі лайнер у ліпені 2014 над Данбасам збілі прарасійскія сепаратысты з дапамогай ракеты зямля-паветра.
Пра гэта паведамляе CNN са спасылкай на крыніцы, знаёмыя са зместам папярэдняга дакладу.
Як удакладняе выданне, у дакуменце, які складаецца з некалькіх сотняў старонак, пазначаная дакладная мадэль ракеты, якая збіла самалёт, а таксама штохвілінны таймлайн палёту MH17.
Таксама ў дакладзе, па словах крыніцы, змяшчаецца крытыка дзеянняў кампаніі «малайзійскіх авіялініі», якая не ўлічыла засцярогі і працягвала лётаць над небяспечнай зонай.
Чакаецца, што канчатковая версія дакладу будзе апублікаваная ў першай палове кастрычніка 2015 года.
Раней пяць краін афіцыйна прапанавалі стварыць міжнародны трыбунал па гэтай справе. Адзінай краінай, якая выступае катэгарычна супраць стварэння трыбунала, з'яўляецца Расія, хоць яна і абвінавачвае ў катастрофе ўкраінскіх вайскоўцаў.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары