Важна не проста спаць, а бачыць сны.
Нейрабіёлагі Каліфарнійскага універсітэта ў Берклі (ЗША) эксперыментальна вызначылі, што недахоп сну можа прывесці да няправільнай інтэрпрэтацыі чалавекам выразу твару іншага чалавека, пра што распавялі ў часопісе Journal of Neuroscience.
Пасля 24 гадзін без сну паддоследныя сталі бачыць варожыя выразы твараў на тых фота, дзе на самой справе дэманстраваліся нейтральныя ці добразычлівыя выразы твараў.
У эксперыменце ўзялі ўдзел 18 здаровых дарослых людзей. Ім паказалі 70 фота з рознымі выразамі твараў, рэакцыю на фота запісалі праз функцыянальную магнітна-рэзанансную тамаграфію і рэгістрацыю частаты сардэчных скарачэнняў. Падчас сну ў ходзе тэстаў запісвалася электраэнцэфалаграма.
Як высветлілася, ад недахопу сну узаемадзеянне структур мозгу, адказных за распазнанне эмоцый, і вегетатыўнай ды нервовай сістэм збіваецца — чалавек бачыць пагрозу там, дзе яе няма. Пры чым важна не проста колькасць праспаных гадзін, а працягласць фазы хуткага сну (падчас якой, як сёння лічыцца, людзі бачаць сны), падчас якой зніжаецца ўзровень гармонаў стрэсу.
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?2
Каментары