Краіна пачынае жорстка эканоміць: нізкія цэны на сыравіну пратрымаюцца пяць гадоў, заявіў прэзідэнт Казахстана
Нурсултан Назарбаеў. Фота: Д.Абрамаў, vedomosti.ru
Нізкія цэны на нафту і металы, слабы попыт на экспартныя тавары з боку Расіі і Кітая кепска адаб'юцца на эканоміцы краіны, лічыць прэзідэнт Казахстана Нурсултан Назарбаеў. «Зыходзячы з новых эканамічных рэалій, неабходна адаптавацца да коштаў на нафту на ўзроўні $ 30-40 за бараль», — гаворыцца ў матэрыялах сённяшняй нарады па сістэмных мерам эканамічнай палітыкі.
«У папярэднія гады мы шмат будавалі, павялічвалі штаты і ўзровень заработнай платы, — канстатаваў Назарбаеў. — Аднак цяпер (…) неабходна ўвесці мараторый на розныя ініцыятывы да 2018 года. Гэта вымушаная мера, выкліканая сённяшняй рэальнасцю».
Кіраўнік дзяржавы назваў тры негатыўныя для эканомікі Казахстана фактары.
«Па-першае, нізкія цэны на нафту і металы, на думку экспертаў, могуць захавацца на працягу пяці гадоў. Па-другое, доступ краін, якія развіваюцца да інвестыцый і капіталу будзе значна абмежаваны. І па-трэцяе, сціскаецца рынак збыту казахстанскай прадукцыі праз слабы попыт з боку нашых асноўных партнёраў, перш за ўсё Расіі і Кітая», — сказаў Назарбаеў, словы якога прыводзяцца ў паведамленні.
Міністр фінансаў Казахстана Бахыт Султанаў распавёў, што за першае паўгоддзе «цана на нафту скарацілася ў два разы, у сувязі з чым на траціну знізіліся паступлення ад экспартнай мытнай пошліны. У выніку даходнасць бюджэту паменшылася на 22%».
Міністр па інвестыцыях і развіццю Асет Ісекешаў сказаў, што Казахстан скароціць лік прыярытэтных сектараў эканомікі. «Мы маем намер падтрымліваць толькі моцныя прадпрыемствы, якія ў якасці партнёраў маюць альбо транснацыянальную кампанію, альбо казахстанскія кампаніі-чэмпіёны.
Мы бачым, што больш моцныя прадпрыемствы працягваюць працу, у той час як прадпрыемствы, якія не займалiся мадэрнізацыяй, стануць банкрутамі, што будзе ўлічана ў нашай праграме занятасці», — сказаў міністр па інвестыцыях і развіццю.
Жонка Статкевіча расказала, пра што паспела паразмаўляць з ім13
Каментары