У Баранавіцкім раёне мужчына забраў з фермы сельгаспрадпрыемства каня, каб паехаць на ім за півам у горад.
Як паведаміла старшы інспектар групы інфармацыі і грамадскіх сувязяў Баранавіцкага гарадскога аддзела ўнутраных спраў Вольга Сакута, раніцай 29 жніўня ў міліцыю паступіла паведамленне, што з тэрыторыі фермы знік конь. У гэты ж дзень жывёла і мужчына, які ўзяў яго, былі выяўленыя ў Баранавічах.
Як стала вядома, конюх гэтай фермы 1980 года нараджэння, які знаходзіцца ў адпачынку, забраў каня, каб конна дабрацца на ім да горада за дадатковай порцыяй піва. Паводле слоў мужчыны, ён збіраўся вярнуць жывёлу на ферму.
Конь вернуты ў гаспадарку. У дачыненні да работніка фермы складзены пратакол на падставе арт. 23.39 КоАП (самаўпраўнасць). Яму пагражае штраф да 10 базавых велічынь (1,8 млн рублёў).
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку15
Каментары