Тарыфы на электраэнергію для насельніцтва будуць павышацца, заявіў 13 кастрычніка журналістам на цырымоніі адкрыцця Беларускага энергетычнага і экалагічнага форуму міністр энергетыкі Уладзімір Патупчык.
«Што да тарыфаў, вы бачыце, што яны дастаткова стабільныя на нашым рынку. У найбліжэйшым часе мы пралічваем у межах праграмы сацыяльна-эканамічнага развіцця тарыфы на сярэднетэрміновую і кароткатэрміновую перспектыву. Для таго каб мы не адставалі ад тых працэсаў, якія адбываюцца ў макраэканоміцы, тарыфы для насельніцтва будуць павышацца, але яны будуць прывязаныя да ўзроўню даходаў нашых людзей», — сказаў міністр.
Паводле яго слоў, для рэальнага сектара эканомікі тарыфы на 2016 год мяняцца не будуць. «На працягу ўжо трох гадоў тарыфы для рэальнага сектара эканомікі ўвесь час змяншаюцца. Гэта вынік вялікай працы, якая праведзена галіной па павышэнні яе эфектыўнасці. Мы забяспечылі эфект ад рэалізацыі дзяржпраграм мадэрнізацыі галіны на працягу 2006—2014 гадоў — у 600 млн. долараў. З 2015 года мы штогод будзем эканоміць 200 млн. долараў. Апрача таго, мы зніжаем нагрузку на валютны рынак, такім чынам робім свой унёсак у павышэнне канкурэнтаздольнасці беларускай прамысловай прадукцыі», — зазначыў Патупчык.
Нагадаем, што сёлета тарыфы для насельніцтва павышаліся двойчы — 1 студзеня і 1 сакавіка.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары