Пісьменнік з Ямайкі Марлон Джэймс стаў лаўрэатам Букераўскай прэміі за раман пра спробу забойства знакамітага ямайскага музыканта Боба Марлі ў 1970-я гады.
Старшыня журы Майкл Вуд назваў раман «Кароткая гісторыя сямі забойстваў» самай займальнай кнігай з шорт-ліста Букераўскай прэміі-2015.
Паводле яго слоў, 680-старонкавая кніга «поўная сюрпрызаў», а таксама жорсткіх эпізодаў і ямайскага слэнгу.
Раман, дзеянне якога ахоплівае тры дзесяцігоддзі, заснаваны на рэальным замаху на легендарнага музыканта і апускае чытача ў бурную крымінальную рэальнасць Ямайкі тых часоў.
44-гадовы Джэймс стаў першым выхадцам Ямайкі, якія трапілі ў шорт-ліст Букераўскай прэміі. «Кароткая гісторыя сямі забойстваў» — яго трэці раман.
Букераўская прэмія ўручаецца штогод з 1969 года і з'яўляецца адной з самых прэстыжных узнагарод у свеце англамоўнай літаратуры.
Лаўрэат прэміі атрымлівае грашовую ўзнагароду ў памеры 50 тыс. фунтаў (76,2 тыс. даляраў).
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве36
Каментары