Дырэктар Брэсцкай кадэцкай вучэльні: У нас няма і не было такога кадэта
Радыё Свабода папрасіла Аляксандра Калько, дырэктара Брэсцкай абласной кадэцкай вучэльні, пракаментаваць інцыдэнт з выключэннем кадэта, які выклаў у інтэрнет фота з «Пагоняй».
Аляксандр Калько заявіў, што не ведае кадэта з такім прозвішчам. «У нас такога няма і не было», — сказаў дырэктар. (У размове з дырэктарам мы выкарыстоўвалі прозвішча хлопца, у акаўнце якога ў «Укантакце» было размешчанае фота).
На просьбу патлумачыць з'яўленне фотаздымка з кадэтамі, Аляксандр Сцяпанавіч сказаў, што гаварыць нічога не будзе: «Вы паглядзіце, што вы там напісалі, усю няпраўду, залезлі недзе з газет, з часопісаў… Таму… Жывіце дружна… Да пабачэння».
Сёньня з'явілася інфармацыя, што хлопец, які выклаў у сеціва фота кадэтаў у майках з «Пагоняй», адлічаны з вучэльні. Адзін з хлопцаў на фота пацвердзіў Радыё Свабода гэтую інфармацыю. Канчатковае рашэнне пра выключэнне іншых нібыта будзе прымацца ў панядзелак.
Хлопец таксама выдаліў сваю старонку «Ўкантакце», дзе было размешчана фота.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары