Грамадства11

У Беларускай Вікіпэдыі — 10 тысяч артыкулаў

Дзесяцітысячным стаў артыкул, прысьвечаны Еве.

У суботу, 15 сакавіка, сеціўны энцыклапедычны праект «Вікіпедыя па‑беларуску» (be.wikipedia.org) перасягнуў мяжу 10 000 артыкулаў. Дзесяцітысячным стаў артыкул, прысвечаны Еве.

«Вікіпедыя па‑беларуску» існуе з канца жніўня 2006 г., развіваецца добраахвотнікамі энцыклапедычнай справы і назапашвае матэрыялы на беларускай літаратурнай мове. За першыя 7 месяцаў свайго існавання праект стварыў больш за 3,5 тыс. артыкулаў, за мінулы год — больш за 6,5 тыс. артыкулаў з розных галін чалавечых ведаў.

Праект уваходзіць у склад шматмоўнага праекту «Вікіпедыя» (wikipedia.org), у рамках якога развіваюцца аналагічныя энцыклапедыі на 255 мовах свету. Найбуйнейшая з іх, «Вікіпедыя па‑англійску», налічвае каля 2,4 млн. артыкулаў, у складанні якіх удзельнічалі і ўдзельнічаюць да 5 млн. добраахвотнікаў з усяго свету.

Таксама ў рамках «Вікіпедыі» з жніўня 2004 г. існуе праект, які карыстаецца альтэрнатыўнай нормай беларускай мовы, г.зв. «тарашкевіцай» (на сённяшні дзень там змешчана каля 8,8 тыс. артыкулаў).

Праект «Вікіпедыя» (www.wikipedia.org) існуе з 15 студзеня 2001 года як публічная універсальная інтэрнэт‑энцыклапедыя, у якой аўтарам артыкула можа выступіць кожны ахвочы. Фундатарамі праекта сталі два энтузіясты Джымі Уэйлс і Лары Сэнгер.

Першапачаткова кожны новы артыкул перад публікацыяй праходзіў складаную шматступенную працэдуру рэдагавання. Аднак рост аб’ёму энцыклапедыі прымусіў стваральнікаў шукаць прасцейшы метад публікацыі. У 2002 годзе за аснову была ўзятая вікі—тэхналогія (ад гавайск.: wikiwiki — вельмі хутка). Тэхналогія дазваляе адразу праз вэб‑інтэрфейс публікаваць артыкулы, рабіць праўку ў наяўных, імгненна ствараць спасылкі на іншыя артыкулы, як на наяўныя, так і планаваныя.

Не гледзячы на поўную свабоду правак, праект паказаў, што дасягнуць пастаўленай Д. Уэйлсам і Л. Сэнгерам мэты — стварыць поўную, аб’ектыўную і свабодную ад абмежаванняў на капіраванне энцыклапедыю, даступную на некалькіх мовах — магчыма. Праект з’яўляецца некамерцыйным і развіваецца на сродкі спонсараў, якія ў асноўным з’яўляюцца простымі ўдзельнікамі Вікіпедыі. Арганізатар — амерыканскі фонд Wikimedia Foundation Inc. (wikimediafoundation.org).

Аўтарскае права на матэрыялы Вікіпедыі рэгулюецца ліцэнзіяй GNU FDL і адпавядае GPL‑ліцэнзіі, якая выкарыстоўваецца для свабоднага праграмнага забеспячэння. Ліцэнзія дазваляе свабодна змяняць і распаўсюджваць інфармацыю і нават прадаваць яе, аднак забараняе заяўляць свае правы на створаную грамадскасцю інфармацыю пасля ўнясення якіх‑небудзь змен і дапаўненняў (copyleft). Пры гэтым стваральнікі Вікіпедыі настойліва заклікаюць не размяшчаць у ёй матэрыялаў, абароненых аўтарскім правам, без згоды праваўладальнікаў.

Самым вялікім з моўных раздзелаў энцыклапедыі з’яўляецца англійскі (en.wikipedia.org), ён налічвае больш за 2,4 мільёны артыкулаў (для параўнання — вядомая «Брытанская Энцыклапедыя» у 15‑м выданні налічвае 120 тысяч артыкулаў, трэцяя рэдакцыя «Вялікай Савецкай Энцыклапедыі» — каля 100 тысяч). Другая па велічыні Вікіпедыя — на нямецкай мове — больш за 720 тысяч артыкулаў. Усяго ў Вікіпедыі існуе больш за 250 моўных раздзелаў, аднак з іх толькі каля 70 пераадолелі колькасць у 10 тысяч артыкулаў — сярод іх цяпер і беларускі раздзел.

booxter

Гэты тэкст дасланы ў рубрыку «Народныя навіны»
Дасылайце на [email protected] вашы фатаздымкі. Зьмяшчайце народныя навіны. Паведамляйце пра пільныя здарэньні на тэлефоны
(029) 707-73-29,
(029) 613-32-32,
(017) 284-73-29
Хай людзі ўбачаць вашымі вачыма!

Глядзі яшчэ:
Вікіпэдыі тарашкевіцай больш не існуе
Вікіпэдыя пад пагрозай банкруцтва

Каментары1

Цяпер чытаюць

Чым займаліся супрацоўнікі Акрэсціна да таго, як узначаліць месца катаванняў беларусаў?4

Чым займаліся супрацоўнікі Акрэсціна да таго, як узначаліць месца катаванняў беларусаў?

Усе навіны →
Усе навіны

Здачу гэтай эліткі ў цэнтры Мінска затрымалі на некалькі гадоў. А зараз тут прадаецца шмат кватэр3

Зяленскі падпісаў закон, у якім замацавана вызначэнне «рашызму»6

Прапагандыст Рачылоўскі больш не выкладае ў мінскай гімназіі. Куды ён прыткнуўся цяпер?24

Ярмак у ЗША: Пасадзіце Расію за стол перамоваў — і Украіна пераможа

У Дзятлаўскім раёне дзевяцікласніца выратавала з вады дзевяцігадовую дзяўчынку

Пасольства Беларусі ў Варшаве стала прымаць дакументы толькі па запісе. Чаканне — каля 10 месяцаў3

Як у акупаваным Данецку выжываюць без вады?12

Беларус 1200 дзён чакаў ДНЖ у Польшчы. Цяпер ён плануе пераехаць у іншае ваяводства

Апеляцыйны суд ЗША прызнаў большасць тарыфаў, уведзеных адміністрацыяй Трампа, незаконнымі3

больш чытаных навін
больш лайканых навін

Чым займаліся супрацоўнікі Акрэсціна да таго, як узначаліць месца катаванняў беларусаў?4

Чым займаліся супрацоўнікі Акрэсціна да таго, як узначаліць месца катаванняў беларусаў?

Галоўнае
Усе навіны →

Заўвага:

 

 

 

 

Закрыць Паведаміць