Амерыканская карпарацыя Raytheon у гэтым месяцы прадэманстравала распрацаваную ёй мініяцюрную 40-мм кіраваную ракету Pike, паведамілі СМІ.
Такім чынам, жаўнер можа выстраліць Pike нават з падствольнага гранатамёта М320, а потым кіраваць палётам ракеты праз цэлепаказальнік. Плануецца таксама распрацаваць варыянт ракеты для лёгкіх ударных беспілотнікаў, піша сайт вытворцы raytheon.com.
У траўні 2015 года на палігоне ў Тэхасе кампанія правяла дэманстрацыйныя выпрабаванні прататыпаў боепрыпасу. Ракеты былі выстраленыя са стандартнага пяхотнага 40-мм гранатамёта, праляцелі больш за 2000 м і ўпалі ў 5 м ад цэлі.
Прызначэнне кіраванай ракеты - барацьба з пяхотай праціўніка. Паведамляецца, што ракета паражае фугасным зарадам і аскепкамі людзей у радыусе 10 м ад месца падзення.
Ракета Pike мае даўжыню 426 мм і важыць 711 г. Яе рухае цвёрдапаліўны ракетны рухавік, а прыцэльванне забяспечваецца лазернай паўактыўнай сістэмай.
Каментары