«Трэнера адхілілі, заняткі спыненыя, у МУС ідзе разбор палётаў», — улады адрэагавалі на артыкул пра казацкіх «воінаў Хрыста»
У інтэрнэце з'явіўся «адкрыты ліст» ад жанчыны, якая прадставілася маці аднаго з выхаванцаў праваслаўнага «вайскова-патрыятычнага» клуба «Славяне».
У гэтым лісце жанчына вінаваціць «Нашу Ніву» і аўтара матэрыяла «Супраць каго збіраюцца ваяваць «воіны Хрыста»» Арцёма Гарбацэвіча ў распальванні «ідэалагічнай варожасці (праваслаўе супраць каталіцызму)», паклёпе і дыскрэдытацыі афіцэраў МУС.
Сама жанчына не раскрывае ніякіх акалічнасцяў рэакцыі ўладаў.
Аднак пра гэта піша адзін з яе аднадумцаў, таксама гродзенец, які падтрымлівае жанчыну.
«У нас у Гродне ўсё вельмі сур'ёзна. «Свядомыя» радасна паціраюць потныя далоні — 1:0 на іх карысць. Пакуль. Збіраем подпісы. Трэнера адхілілі. У Мінску, у МУС, ідзе разбор палётаў. Заняткі спыненыя, дзеці засмучаныя. Адчуваюць здраду. Адказваю за кожнае слова, усё — праўда», — сцвярджае нейкі Марат.
Нагадаем, нядаўна «Наша Ніва» апублікавала матэрыял, у якім даводзіліся факты, што ў праваслаўных «вайскова-патрыятычных» клубах Гродзенскай епархіі з дзецьмі працуюць інструктары з прарасійскіх арганізацый.
Цяпер чытаюць
Спальныя месцы ў «Мінск-Свеце» могуць выклікаць клаўстрафобію. Як эканомяць прастору ў сучасных кватэрах-студыях10
Каментары