«Treniera adchilili, zaniatki spynienyja, u MUS idzie razbor palotaŭ», — ułady adreahavali na artykuł pra kazackich «voinaŭ Chrysta»
U internecie źjaviŭsia «adkryty list» ad žančyny, jakaja pradstaviłasia maci adnaho z vychavancaŭ pravasłaŭnaha «vajskova-patryjatyčnaha» kłuba «Słavianie».
U hetym liście žančyna vinavacić «Našu Nivu» i aŭtara materyjała «Suprać kaho źbirajucca vajavać «voiny Chrysta»» Arcioma Harbaceviča ŭ raspalvańni «ideałahičnaj varožaści (pravasłaŭje suprać katalicyzmu)», paklopie i dyskredytacyi aficeraŭ MUS.
Sama žančyna nie raskryvaje nijakich akaličnaściaŭ reakcyi ŭładaŭ.
Adnak pra heta piša adzin ź jaje adnadumcaŭ, taksama hrodzieniec, jaki padtrymlivaje žančynu.
«U nas u Hrodnie ŭsio vielmi surjozna. «Śviadomyja» radasna pacirajuć potnyja dałoni — 1:0 na ich karyść. Pakul. Źbirajem podpisy. Treniera adchilili. U Minsku, u MUS, idzie razbor palotaŭ. Zaniatki spynienyja, dzieci zasmučanyja. Adčuvajuć zdradu. Adkazvaju za kožnaje słova, usio — praŭda», — śćviardžaje niejki Marat.
Nahadajem, niadaŭna «Naša Niva» apublikavała materyjał, u jakim davodzilisia fakty, što ŭ pravasłaŭnych «vajskova-patryjatyčnych» kłubach Hrodzienskaj jeparchii ź dziećmi pracujuć instruktary z prarasijskich arhanizacyj.
-
«Historyja nie vyklikaje davieru». Polšča pieradała Litvie spravu ab mižnarodnaj abaronie biełaruski, jakaja časta jeździła ŭ kamandziroŭki
-
Nie tolki lehiendarny «Supier 8». Jakija jašče atrakcyjony nie buduć pracavać u Minsku ŭ hetym siezonie
-
Cichanoŭskaja pra vysyłku ź Biełarusi ŭ žniŭni 2020: Mnie dali na zbory 20 chvilin
Kamientary