Дагэтуль яму даводзілася зарабляць.
Справай займалася жонка Станіслава Станіслававіча, паведамляе »Народная воля».
Як вядома, Аляксандр Лукашэнка ў 1997 годзе скасаваў пастанову парламента аб пажыццёвай пенсіі былому прэм'еру і кіраўніку дзяржавы ў памеры 70—75% ад акладу дзеючага прэм'ера і спікера.
Ён таксама падпісаў дэкрэт аб «упарадкаванні пенсій за асаблівыя заслугі перад беларускім народам». Атрымалася, што пенсіі за асаблівыя заслугі былі прызначаныя ў асноўным першым асобам савецкай Беларусі, напрыклад, былым кіраўнікам Кампартыі Беларусі Мікалаю Слюнькову і Яфрэму Сакалову.
Пяцярым іншыя былым кіраўнікам незалежнай Беларусі, якія Лукашэнку не падтрымалі, — Станіславу Шушкевічу, Георгію Таразевічу, Сямёну Шарэцкаму, Мечыславу Грыбу і Міхаілу Чыгіру — дадзеным дэкрэтам пенсія была пакінутая на тым узроўні, на якім знаходзілася на момант падпісання дэкрэта, адным словам, «замарожаная». У 1997 годзе гэта было 3 196 000 беларускіх рублёў, а пасля дэнамінацыі 1999 стала 3200 рублёў у месяц. Такой яна і заставалася да апошняга часу.
80-гадовы Шушкевіч прынцыпова не хацеў што-небудзь прасіць і прыніжацца. Толькі цяпер жонка Станіслава Станіслававіча аформіла дакументы на атрыманне ім пенсіі па ўзросце. Цяпер першы кіраўнік Беларусі будзе атрымліваць крыху больш за 4 млн рублёў.
— Гэта «выхадкі» жонкі. Хоць грошы, натуральна, не перашкодзяць, у апошні час я на самой справе зламаўся ў плане працы. Раней даволі шмат працаваў за мяжой, а цяпер здароўе ўжо не тое.
У мяне раней была пенсія «за асаблівыя заслугі» 3200 рублёў, яе замацавалі на ўзроўні 1997 года, і справа з месца не рухалася. І жонка вырашыла пайсці іншым шляхам. Мне нічога не сказала, сама ўступіла, так бы мовіць, у змову з сацыяльнымі службамі. Пенсія, дарэчы, магла б быць таксама большай, калі ўлічваць, што я заслужаны дзеяч, член-карэспандэнт Акадэміі навук і лаўрэат Дзяржаўнай прэміі, але сацыяльныя службы сказалі, што тут не той выпадак, — распавёў палітык.
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў34
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары