Кіраўнік расійскага Інстытута Блізкага Усходу Яўген Сатаноўскі ў артыкуле на сайце газеты «Взгляд» выказаў думку, што Катар набывае ў Беларусі зброю з мэтай аснашчэння ёй ісламістаў, у тым ліку прадстаўнікоў Ісламскай дзяржавы.
«Асаблівую ўвагу мэтазгодна надаць намаганням манархій Персідскай Затокі па забеспячэнні сваіх прыхільнікаў у розных частках свету. Так, візіт у Мінск у канцы чэрвеня 2015 г. міністра абароны Катара Хамада бен Алі аль-Атыйі і яго перамовы з прэзідэнтам А. Лукашэнкам былі сканцэнтраваныя на закупках ўзбраення ў «інтарэсах катарскай арміі».
Пры гэтым апошняй беларуская зброя (уключаючы сістэмы ПЗРК, ПТРК і РПГ) не патрэбныя, катарская армія абсталявана па амерыканскіх стандартах. Відавочна, закупкі ідуць у інтарэсах «трэціх бакоў». Сярод канчатковых атрымальнікаў лівійскія ісламісты, баевікі на Сінаі і сірыйскія прыхільнікі ІД».
Таксама Сатаноўскі адзначае, што закупкамі зброі ў Беларусі таксама займаецца ААЭ. «У такіх аперацыях выступае Al Mutlaq Technology, гандлёвае прадстаўніцтва Al Mutlaq Croup. Яе генеральны дырэктар — Хусэйн Мухамед бен Мутлак аль-Гафлі — фігура непублічная. Больш вядомы яго стрыечны брат - Мухамед Абдула бен Мутлак аль-Гафлі, пасол ААЭ ў Мінску, што палягчае яму закупку ўзбраення ў гэтай краіне, свабоднай ад усіх міжнародных абмежаванняў і эмбарга».
«Раней ключавое месца ў такіх пастаўках займалі Паўночная Карэя і сербскія гандляры зброяй. Цяпер асноўны ўпор робіцца на Мінск, што ператварае Беларусь у найбуйнейшага экспарцёра ўзбраення для лакальных канфліктаў», — лічыць расійскі эксперт.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары