У Горна-Бадахшанскай аўтаномнай вобласці на ўсходзе Таджыкістана, у 22 км ад высакагорнага возера Сарэз, адбыўся моцны землятрус магнітудай 7—8. Дадзеных аб ахвярах і разбурэннях пакуль няма.
Ачаг землятрусу залягаў на глыбіні да 25 кіламетраў — такія дадзеныя Нацыянальнай геалагічнай службы ЗША.
У Душанбэ адчуваліся штуршкі, але абышлося без разбурэнняў. Па словах відавочцаў, сярод жыхароў Горнага Бадахшана на Паміры захоўваецца паніка. Дзеці выбягалі з навучальных устаноў, шмат каму стала блага.
У абласным цэнтры — горадзе Харог - курсуюць карэты хуткай дапамогі, аказваючы тэрміновую медыцынскую дапамогу. Людзі баяцца вяртацца ў памяшканні, баючыся паўторных штуршкоў. Жыхары горада паведамляюць таксама, што ў будынках утварыліся расколіны.
У Харогу адмененыя заняткі ў школах. Пасля першага моцнага штуршка былі два слабейшыя.
З Мургабскім раёнам, дзе знаходзіўся эпіцэнтр землятрусу, пакуль звязацца не ўдалося. Мабільная сувязь не працуе.
Падземныя штуршкі адчуваліся таксама ў Пакістане, Індыі і краінах Цэнтральнай Азіі.
У кастрычніку гэтага года ў Цэнтральнай Азіі ў выніку моцнага землятрусу загінулі сотні людзей.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м63
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары