У Гродне прадаюць дом, дзе ёсць сапраўдны бар з ноткай беларускасці
«Пабудаваны з густам, натхнёны французскім Правансам», — апісвае дом прадавец.
Дом, які цяпер прадаецца, знаходзіцца на ўскраіне Гродна ў мікрараёне Зарыца-4. Пабудавалі яго ў 2017 годзе. Агульная плошча — 240 квадратаў.
На першым паверсе месцяцца тры спальні, два санвузлы і вялікая кухня-гасцёўня з абедзеннай зонай і французскім чыгунным камінам.
Два з трох спальных пакояў — дзіцячыя. У адным з іх ложак выкананы ў выглядзе лодкі.
Але галоўная разынка гэтага дома знаходзіцца на другім узроўні. Сам прадавец другі паверх свайго дома называе chill-out зонай для рэлаксу, адпачынку і самоты.
Там стаіць хатні кінатэатр з кальяннай і сапраўдны бар з вялікім выбарам алкагольных напояў і барнай стойкай даўжынёй чатыры метры. За шырмай у адным з кутоў — кабінетная зона.
Над барнай стойкай дзве неонавыя вывескі з надпісамі «Mood» (настрой) і «Каханне».
Выглядае, што ўласнік дома сапраўды ведае толк у адпачынку, бо апроч другога паверха існуюць і іншыя зоны для рэлаксу. На ўчастку ёсць лазня з прылазнікам, абсталяваным пад кухню.
Побач з лазней стаіць альтанка з зашклёнымі вокнамі.
За дом, які яўна задуманы для жыцця ў кайф, просяць 260 тысяч даляраў.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары