Расійскі мадэльер Кацярына Дабракова паскардзілася на тое, што з-за праблем з пастаўкамі турэцкай тканіны яна не можа пачаць выпуск адзення з антытурэцкай тэматыкай. У каментары РСН яна паведаміла, што фуры з тканінай не прапускаюць праз мяжу (праз турэцкую або расійскую, яна не ўдакладніла).
Дызайнер Аляксандр Конасаў, які таксама плануе выпуск футболак з антытурэцкай тэматыкай, пацвердзіў, што Турцыя з'яўляецца манапалістам на рынку тканіны ў Расіі. Ён запэўніў, што адзенне з антытурэцкімі прынтамі будзе рабіцца з расійскай тканіны.
«У нас будуць некалькі прынтаў і з памідорамі, і з надпісамі «не еду», і таму падобнае», — распавёў Конасаў. Ён паабяцаў пачаць продажы футболак 15 снежня, але ўжо цяпер на сайце дызайнера можна знайсці прынты «Не патрэбен нам бераг турэцкі, зараз з намі Крым і снежныя Сочы. Любімая наша, родная краіна!» І «Бяжы, турак, бяжы» (на апошняй адлюстраваны прэзідэнт Турцыі Рэджэп Эрдаган, які ўцякае ад мядзведзя).
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары