Паміж міністрам унутраных спраў Украіны Арсенам Авакавым і кіраўніком Адэскай аблдзяржадміністрацыі Міхаілам Саакашвілі адбылася сварка на пасяджэнні Нацрады рэформаў у панядзелак.
Пра гэта паведаміў дэпутат Блока Пятра Парашэнкі Сяргей Лешчанка са спасылкай на прысутных на пасяджэнні ўдзельнікаў.
Згодна з інфармацыяй, пасля таго, як Саакашвілі выступіў з дакладам, Авакаў выказаў да яго прэтэнзіі. «Пачалася сварка, Авакаў абвінаваціў Саакашвілі ў тым, што ён сам злодзей. На што Саакашвілі адказаў, што ў яго нічога няма, акрамя сумленнага імя», — напісаў Лешчанка ў сваім фэйсбуку.
Падчас сваркі, паводле інфармацыі, міністр Авакаў перайшоў на крык са словамі: «Прэч з маёй краіны». «Выйшаўшы з сябе, Авакаў кінуў шклянкай у Саакашвілі», — адзначыў Лешчанка.
«Прэм'ер-міністр Яцанюк абазваў Саакашвілі «гастралёрам» і таксама папрасіў «забірацца з Украіны», — дадаў палітык.
У адказ на гэтыя заявы «Саакашвілі сказаў, што ён такі ж грамадзянін, аднак, у адрозненне ад Яцанюка, не рабаваў Украіны».
«Усё адбылося ў прысутнасці прэзідэнта Парашэнкі, які спрабаваў супакоіць бакі, а затым закрыў пасяджэнне», — напісаў Лешчанка.
Вось відэа заявы Саакашвілі для прэсы.
Міністр Авакаў апісаў падзеі ў сваім фэйсбуку інакш.
«Адэскі губернатар сарваўся ў істэрыку і пачаў гарлапаніць на мяне: «Ніхто не мае права так размаўляць з Міхаілам Саакашвілі.. ты карумпаваны міністр… а я сумленны чалавек…», перайшоў да адкрытых абраз.
Я ўстрымаўся ад таго, каб яго стукнуць — пляснуў яму ў твар вадой.
Я даўно не бачыў настолькі ашызелага папуліста. Не даваў сказаць нічога — перабіваючы ўсіх, уключаючы прэзідэнта», — напісаў Авакаў.
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка7
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары