мэтах аператыўнага рэагавання на складаныя ўмовы надвор'я намеснік прэм'ер-міністра Анатоль Калінін 11 студзеня падпісаў ўрадавую тэлеграму.
Паводле інфармацыі прэс-службы МНС, у тэлеграме ўтрымліваецца даручэнне да рэспубліканскіх органаў дзяржкіравання, улад на месцах арганізаваць кантроль за бяспечнай і надзейнай працай цеплакрыніц, кругласутачнае дзяжурства неабходнай колькасці тэхнікі для расчысткі ад снегу дарог агульнага карыстання, пад'ездаў да будынкаў, збудаванняў і крыніц водазабеспячэння, ажыццявіць мерапрыемствы па прадухіленні дарожна-транспартных здарэнняў, рэгуляванні руху транспарту на дарогах у месцах снежных заносаў, узмацніць аварыйныя і дзяжурна-дыспетчарскія службы, стварыць дадатковыя выязныя брыгады, правесці інструктажы па тэхніцы бяспекі з іх членамі, забяспечыць гатоўнасць тэхнічных сродкаў, якія прыцягваюцца да ліквідацыі надзвычайных сітуацый у восеньска-зімовы перыяд, у тым ліку якія прадугледжваюць магчымасць буксіроўкі і пуску аўтатранспартных сродкаў, эвакуацыю грамадзян.
Мясцовым выканаўчым і распарадчым органам даручана праводзіць аналіз якасці прыбірання дарог і штодня ўдакладняць разлік неабходнай колькасці сіл і сродкаў у мэтах своечасовай расчысткі дарожнай сеткі, з улікам умоў надвор'я, узяць на жорсткі кантроль пытанне своечасовай ачысткі дахаў будынкаў і збудаванняў, сумесна з Мінгандлем і Белкаапсаюзам забяспечыць своечасовае павелічэнне ў магазінах запасаў прадуктаў харчавання і іншых тавараў першай неабходнасці з атрыманнем штармавога папярэджання аб прагназаваных снегападах, пры пагаршэнні становішча забяспечыць своечасовае прыняцце кіраўніцкіх рашэнняў, арганізаваць цеснае ўзаемадзеянне з грамадскімі арганізацыямі і валанцёрамі ў частцы аказання дапамогі людзям.
Мінэнерга сумесна з зацікаўленымі даручана забяспечыць аператыўную ліквідацыю аварыйных сітуацыі на сістэмах цеплазабеспячэння, ліквідацыю магчымых масавых пашкоджанняў ліній электраперадачы пры стыхійных з'явах у найкарацейшыя тэрміны.
Мінтрансу даручана сумесна з мясцовымі выканаўчымі і распарадчымі органамі арганізаваць маніторынг участкаў дарог, што найбольш заносяцца снегам, і забяспечыць своечасовую ачыстку такіх участкаў, сумесна з МУС і іншымі зацікаўленымі забяспечыць своечасовае інфармаванне зацікаўленых службаў і насельніцтва аб ўтварэнні затораў і стане дарожнага пакрыцця.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары