Падгол: У кабельных сетках у Мінску 50 тэлеканалаў. Усе — па-руску. Ніводнага тэлеканала на мовах іншых краін!
Прачытаў артыкул Цыганкова «Прадухіліць «Минскнаш»: замяніць у школах «рускую» літаратуру на «сусветную». Вось цытата з яго:
«Калі ўлада мае хоць нейкі стратэгічны інстынкт самазахаваньня, яна павінна пачынаць не з фэстывалю вышыванак, а са школы. Усе, хто выступае за захаваньне «расейскай літаратуры» замест «сусьветнай літаратуры» — выступаюць за захаваньне Беларусі ў якасьці культурнай правінцыі, культурнай часткі Расеі. Пакуль у беларускіх школах расейская літаратура займае 85 працэнтаў, а ўся сусьветная — астатнія 15, відавочна, што цяперашняя ўлада гадуе, фармуе «рускіх са знакам якасьці». Замена ў школах «расейскай» літаратуры на «сусьветную» стала б першым рэальным знакам таго, што ўлады Беларусі сапраўды зацікаўленыя ў фармаваньні не-расейскай сьвядомасьці ў сваіх грамадзянах».
Уявіў, як будзе мяняцца свядомасць дзетак ад замены ў школах рускай літаратуры на сусветную, і ўбачыў шлях эвалюцыі нават не ад дыназаўраў да сучаснага чалавека, а значна болей — да канца свету.
Першапрычына панавання рускага свету ў нас і, адпаведна, першакрок па выслізгванні з ягоных абдымкаў, на мой погляд, у іншым.
У Беларусі ў кожнай хаце ёсць тэлевізар. Ён гучыць амаль бесперапынна. Як колісь гучала радыё. І дзеткі яшчэ ў жываце маці слухаюць рускую мову. Адпаведна, пасля нараджэння таксама кожны дзень бесперапынна.
Дык вось, у Мінску ў мяне ў кватэру ўваходзіць тэлекабель, дзе заведзена звыш за 50 (!!!) тэлеканалаў, якія гучаць па-руску. Ніводнага тэлеканала на мовах суседніх краін! Ніводнага!!! Чаму я стаўлю па тры клічнікі? Таму што тэлекабель з 50 тэлеканаламі засілкавала арганізацыя ад Мінгарвыканкама.
Выканаўчая ўлада Мінска трывала трымае свядомасць жыхароў сталіцы Беларусі ў гатоўнасці да захопу прадстаўнікамі «русского мира». Ну, хаця б па адным тэлеканале зрабілі б англамоўным, польскамоўным, літоўска-, латышска- і ўкраінскамоўным. На мове суседзяў. Ды яшчэ па-нямецку — адзін тэлеканал. Дзесяць з пяцідзесяці — гэта нішто. Але бацькі мелі б выбар. Прынёс са школы дзіця дрэнную адзнаку па ангельскай, а яму замест бізуна па с*ацы — прагляд тэлеканала з мульцікамі па-ангельску ды з перакладам па-беларуску.
І вось уявіце, што ўсе тэлеканалы ад Мінгарвыканкама маюць толькі мовы народаў свету. І некалькі — па-беларуску. Гуд бай, «русский мир», вітаем, народы свету і беларуская самасвядомасць.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў16
Каментары