Асноўны даход тэрарысты атрымліваюць ад продажу нафты. За 2015 год яны зарабілі ад 400 да 500 мільёнаў даляраў.
Тэрарыстычная групоўка «Ісламская дзяржава» атрымлівае асноўны даход ад продажу нафты. Пра гэта гаворыцца ў дакладзе ААН, які ў аўторак, 9 лютага, прадставіў намеснік генеральнага сакратара па палітычных пытаннях Джэфры Фелтман. Паводле яго слоў, іншымі крыніцамі даходаў ІД з'яўляецца збор так званых падаткаў, разрабаванне археалагічных раскопак, сродкі за выкуп закладнікаў, а таксама збор грошай праз інтэрнэт.
Як адзначаецца ў дакуменце, у 2015 годзе аб'ём даходаў тэрарыстаў толькі ад продажу нафты і нафтапрадуктаў склаў ад 400 да 500 млн даляраў. Пры гэтым у ААН падкрэслілі, што немагчыма ацаніць схемы, якія ІД выкарыстоўвае для гандлю нафтай.
Акрамя таго, як адзначыў Фелтман, у шэрагах ІД меркавана служаць каля 30 тысяч замежных баевікоў з больш чым 100 дзяржаваў. У апошні час дзякуючы дзеянням міжнароднай кааліцыі ІД быў нанесены значны ўрон, гаворыцца ў дакладзе. У 2016 годзе ў выніку паветраных удараў кааліцыі па нафтаперапрацоўчых прадпрыемствах і нафтасховішчах даходы тэрарыстаў ад нафты могуць скараціцца.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары