Суд Чыгуначнага раёна Гомеля 16 сакавіка вынес прысуд мясцоваму жыхару 1991 года нараджэння, які абвінавачваўся ў злосным хуліганстве (ч. 2 арт. 339 КК).
Малады чалавек з прыяцелямі пайшоў за півам у гіпермаркет, дзе ўчыніў бойку. Яму не спадабаўся малады мужчына, якога ён ударыў кулаком у твар. Пацярпелы пачаў уцякаць, а хуліган пераследаваў яго па гандлёвай зале, пашкоджваючы маёмасць і выстаўлены тавар. Пры гэтым ён яшчэ і распранаўся на хаду.
За злоснае хуліганства гамяльчаніну прызначана пакаранне ў выглядзе пазбаўлення волі на тры гады з адтэрміноўкай выканання пакарання на два гады, паведамляе прэс-служба Гомельскага абласнога суда.
Па прыгаворы суда абвінавачаны абавязаны паступіць на працу, не мяняць месца жыхарства без згоды органа, які ажыццяўляе кантроль за паводзінамі асуджанага; двойчы ў месяц з'яўляцца ў гэты орган для рэгістрацыі; знаходзіцца штодня па месцы жыхарства з 22 гадзін да 6 гадзін; не наведваць бары, рэстараны, дыскатэкі, іншыя грамадскія месцы, дзе спіртныя напоі прадаюцца на разліў. Таксама абвінавачаны абавязаны ў вольны ад асноўнай працы час выканаць грамадскія карысныя працы ў аб'ёме 120 гадзін.
Прысуд пакуль не набыў законную моц, можа быць абскарджаны і апратэставаны.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары