Вобраз прадстаўніка Беларусі на сцэне «Еўрабачання-2016» IVANa будуць узгадняць Белтэлерадыёкампанія і Еўрапейскі вяшчальны саюз. Пра гэта паведаміла кіраўнік прэс-службы Белтэлерадыёкампаніі Святлана Смалонская-Краскоўская.
Паводле яе слоў, у адпаведнасці з палажэннем аб нацыянальным адборы на гэты міжнародны конкурс Белтэлерадыёкампанія ажыццяўляе арганізацыйныя і арганізатарскія функцыі, а прадзюсерскі цэнтр Віктара Дробыша, чыім падапечным з'яўляецца IVAN (Аляксандр Іваноў), займаецца творчым бокам падрыхтоўкі артыста. Прапануюцца і абмяркоўваюцца розныя варыянты вобразу выканаўцы. Гэта не значыць стоадсоткава, што вобраз голага артыста ў атачэнні драпежнікаў, які узарваў інтэрнэт, вызначаны для сцэны.
Канчатковы варыянт будзе ўзгадняцца з Белтэлерадыёкампаніяй і арганізатарам конкурсу Еўрапейскім вяшчальным саюзам, сказала Святлана Смалонская-Краскоўская.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары