Шчоткіна: Павышэнне пенсійнага ўзросту закране і ваенных, і дзяржслужачых
Павышэнне пенсійнага ўзросту закране і ваенных, і дзяржслужачых. Пра гэта паведаміла сёння журналістам міністр працы і сацыяльнай абароны насельніцтва Мар'яна Шчоткіна па выніках нарады ў кіраўніка Беларусі па пытаннях удасканалення пенсійнай сістэмы.
Па словах міністра, выпрацаваныя адзіныя падыходы, што павышэнне пенсійнага ўзросту павінна датычыцца абсалютна ўсіх.
«Гэта значыць крок па паўгода з 1 студзеня 2017 года будзе датычыцца і грамадзянскага насельніцтва, і вайскоўцаў, і дзяржаўных служачых, — сказала яна. — Калі разглядаць ільготныя пенсіі, то ўсе правілы выхаду застануцца ранейшымі, але планка на права атрымання датэрміновай пенсіі таксама з усімі разам будзе павышацца».
Мар'яна Шчоткіна падкрэсліла, што захаваецца і дадатковая гарантыя для людзей перадпенсійнага ўзросту ад звальнення.
«Рашэнне, якое прымаецца на ўзроўні дзяржавы, павінна ўлічваць не толькі эканамічныя эфекты, але і дэмаграфічныя, і абавязкова сацыяльныя. Нельга прымаць рашэнне без уліку зваротнай сувязі з боку грамадства. Таму і сацыяльны аспект, і гарантыі заканадаўства жанчынам на асаблівую абароненасць з боку дзяржавы — гэта ўсё, несумненна, неабходна ўлічваць», — сказала міністр.
Што тычыцца пенсійнага страхавання, то Мар'яна Шчоткіна адзначыла, што ў краіне захаваецца права на яго на добраахвотнай аснове. «Прэзідэнт даручыў актыўна развіваць добраахвотнае пенсійнае страхаванне з тым, каб можна было страхаваць дадатковую пенсію і чалавеку індывідуальна, і праз калектыўныя дагаворы. Перспектыва за гэтым. Мы не будзем на дадзеным этапе і наогул у бліжэйшай перспектыве пераходзіць на абавязковае, але добраахвотнае павінна актыўна развівацца і даваць істотную прыбаўку да пенсій», — сказала яна.
Цяпер чытаюць
Стаў вядомы сэнс крымінальнай «справы страхаўшчыкоў»11
Каментары