Арменія абвінаваціла Турцыю ў «падтрымцы агрэсіі» Азербайджана ў Карабаху
Намеснік кіраўніка МЗС Арменіі Шаварш Качаран абвінаваціў Турцыю ў падтрымцы «агрэсіі» з боку Азербайджана ў Нагорным Карабаху.
«Сумна, што для Турцыі цана чалавечых ахвяр вызначаецца нацыянальнай прыналежнасцю. Падобнымі расісцкімі заявамі Турцыя заахвочвае працяг дзеянняў агрэсара супраць Нагорна-Карабахскай Рэспублікі, якая самавызначылася. Гэта ўкладваецца таксама ў логіку палітыкі, што ажыццяўляецца цяперашнімі ўладамі Турцыі і вынікам якой з'яўляецца распаўсюджванне хвалі нестабільнасці, тэрарызму і кровапраліцця як у самой Турцыі, так і за яе межамі», — заявіў намеснік кіраўніка МЗС Арменіі Шаварш Качаран ў адказ на пытанне Tert.am.
Напярэдадні прэзідэнт Турцыі Рэджэп Таіп Эрдаган падчас тэлефоннай размовы з прэзідэнтам Азербайджана Ільхамам Аліевым выказаў яму спачуванні ў сувязі з гібеллю ваеннаслужачых у ходзе баёў у Нагорным Карабаху.
«Прэзідэнт Турцыі выказаў падтрымку і салідарнасць у сувязі з падзеямі на лініі судакранання войскаў Арменіі і Азербайджана, адзначыў, што турэцкі народ заўсёды знаходзіцца побач з азербайджанскім народам», — паведамляла прэс-служба прэзідэнта Азербайджана.
У ноч на 2 красавіка ў Нагорным Карабаху аднавіліся баявыя дзеянні. Бакі абвінавачваюць адзін аднаго ў правакацыях. 3 красавіка міністэрства абароны Азербайджана заявіла, што ў аднабаковым парадку спыняе баявыя аперацыі ў Нагорным Карабаху. У «НКР» гэтыя заявы абверглі. Армянскі бок таксама паведаміў, што заявы Баку не адпавядаюць рэчаіснасці.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары