Armienija abvinavaciła Turcyju ŭ «padtrymcy ahresii» Azierbajdžana ŭ Karabachu
Namieśnik kiraŭnika MZS Armienii Šavarš Kačaran abvinavaciŭ Turcyju ŭ padtrymcy «ahresii» z boku Azierbajdžana ŭ Nahornym Karabachu.
«Sumna, što dla Turcyi cana čałaviečych achviar vyznačajecca nacyjanalnaj prynaležnaściu. Padobnymi rasisckimi zajavami Turcyja zaachvočvaje praciah dziejańniaŭ ahresara suprać Nahorna-Karabachskaj Respubliki, jakaja samavyznačyłasia. Heta ŭkładvajecca taksama ŭ łohiku palityki, što ažyćciaŭlajecca ciapierašnimi ŭładami Turcyi i vynikam jakoj źjaŭlajecca raspaŭsiudžvańnie chvali niestabilnaści, teraryzmu i krovapralićcia jak u samoj Turcyi, tak i za jaje miežami», — zajaviŭ namieśnik kiraŭnika MZS Armienii Šavarš Kačaran ŭ adkaz na pytańnie Tert.am.
Napiaredadni prezident Turcyi Redžep Taip Erdahan padčas telefonnaj razmovy z prezidentam Azierbajdžana Ilchamam Alijevym vykazaŭ jamu spačuvańni ŭ suviazi z hibiellu vajennasłužačych u chodzie bajoŭ u Nahornym Karabachu.
«Prezident Turcyi vykazaŭ padtrymku i salidarnaść u suviazi z padziejami na linii sudakranańnia vojskaŭ Armienii i Azierbajdžana, adznačyŭ, što turecki narod zaŭsiody znachodzicca pobač z azierbajdžanskim narodam», — paviedamlała pres-słužba prezidenta Azierbajdžana.
U noč na 2 krasavika ŭ Nahornym Karabachu adnavilisia bajavyja dziejańni. Baki abvinavačvajuć adzin adnaho ŭ pravakacyjach. 3 krasavika ministerstva abarony Azierbajdžana zajaviła, što ŭ adnabakovym paradku spyniaje bajavyja apieracyi ŭ Nahornym Karabachu. U «NKR» hetyja zajavy abvierhli. Armianski bok taksama paviedamiŭ, što zajavy Baku nie adpaviadajuć rečaisnaści.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary