У Крыме пачаліся вучэнні расійскай ваеннай авіяцыі, паведамляюць інфармагенцтвы са спасылкай на прэс-службу Чарнаморскага флоту.
У іх бяруць удзел верталёты Ка-27 і Мі-8 з змешанага авіяцыйнага палка Чарнаморскага флоту, якія адпрацоўваюць пошук падводных лодак і высадку паветранага дэсанту.
Паводле дадзеных прэс-службы, манеўры праводзяцца ў раёне марскога дэсантнага палігона Опук і авіяцыйнага гарнізона Кача.
Раней франтавыя бамбавікі Су-24М марской авіяцыі адпрацавалі паражэнне паветранай мэты над морам пры дапамозе ракет.
Акрамя таго, чакаецца, што ў бліжэйшыя дні ў манеўрах прымуць удзел яшчэ некалькі Су-24М і знішчальнікаў Су-30, якія адпрацуюць авіяўдары па наземных цэлях.
Каментары