«Гавары праўду» звярнулася ў пракуратуру з просьбай правесці праверку ўдзелу беларускіх школьнікаў у ваенных зборах неанацыстаў
Пра гэта на сваёй старонцы ў фэйсбуку паведаміў Андрэй Дзмітрыеў, кіраўнік кампаніі.
«У сродках масавай інфармацыі з'явіліся трывожныя паведамленні пра тое, што ў маі 2016 года праз Віцебскую епархію i прарасійскія «патрыятычныя» арганізацыі, што дзейнiчаюць на тэрыторыі Беларусі, група непаўналетніх беларускіх дзяцей была накіраваная ў ваенізаваныя трэніровачныя лагеры на тэрыторыі Расіі», — гаворыцца ў звароце «Гавары праўду» ў пракуратуру.
Далей аўтары звяртаюць увагу на ідэалагічную прыналежнасць інструктараў і факты іх удзелу ў вайне.
«Нам добра вядома, — пішуць у «Гавары праўду», — да якіх трагічных наступстваў прывяла дзейнасць гэтых баевікоў на ўсходзе Украіны. Няма ніякіх сумневаў, што «выкладчыкі» і «трэнеры» згаданых у паведамленнях СМІ лагераў вучылі беларускіх дзяцей экстрэмізму, неанацызму, здрадзе нашай Радзіме — Беларусі, нецярпімасці да людзей, якія не падзяляюць іх погляды што да адраджэння «вялікай імперыі».
«Расцэньваем такую дзейнасць арганізатараў, пасярэднікаў, палітычных і фінансавых спонсараў падобных лагераў як сур'ёзную пагрозу для маральнага стану беларускіх дзяцей. Лічым дзейнасць рэлігійных і грамадскіх арганізацый, якія займаюцца вярбоўкай дзяцей для ўдзелу ў падобных лагерах, несумяшчальнай з заяўленымі імі статутнымі мэтамі».
«У сувязі з выкладзеным вышэй, прашу Генеральную пракуратуру Рэспублікі Беларусь:
— Правесці праверку фактаў, выкладзеных у паведамленнях СМІ, аб удзеле беларускіх дзяцей у дадзеных лагерах.
— Даць прававую ацэнку дзейнасці арганізатараў і пасярэднікаў дадзеных лагераў з беларускага боку.
— Забараніць уезд у Беларусь грамадзянам замежных дзяржаў, датычных да набору беларускіх дзяцей для ўдзелу ў ваенізаваных дзіцячых лагерах на тэрыторыі іншых краін», — значыцца таксама ў лісце за подпісам кіраўніка кампаніі Андрэя Дзмітрыева.
-
У Варшаве змяніўся адрас, дзе можна падаць заяву на міжнародную абарону
-
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?20
Каментары