З 16 запланаваных дзяржпраграмай развіцця рыбагаспадарчай дзейнасці на 2011—2015 гады мерапрыемстваў не выкананыя дзевяць, паведамляе прэс-служба Камітэта дзяржаўнага кантролю Беларусі.
Як было заяўлена на калегіі ведамства на мінулым тыдні, не дасягнутая галоўная мэта дзяржпраграмы — стабільнае забеспячэнне насельніцтва высакаякаснай рыбай і рыбнай прадукцыяй, а таксама пастаўка яе на экспарт.
У дзяржкантролі лічаць, што асноўнымі прычынамі невыканання мерапрыемстваў дзяржпраграмы з'яўляюцца «адсутнасць належнай прапрацоўкі на стадыі яе фармавання, належнага кантролю і каардынацыі за іх рэалізацыяй з боку Мінсельгасхарча, НАН Беларусі і аблвыканкамаў, а таксама выдзяленне грашовых сродкаў менш за запланаваныя аб'ёмы па многіх аб'ектах адначасова».
«У выніку замест забеспячэння рынку краіны каштоўнымі рыбамі па даступнай цане з прылаўка зніклі амур, таўсталобік, шчупак, судак, сом і іншыя віды айчынных рыб. А шараговы спажывец сёння залежыць ад імпартнай рыбы і высокіх цэн», — адзначылі ў дзяржкантролі.
Згодна са звесткамі кантралёраў, у 2011—2015 гадах у краіне рэалізавана толькі 63,3 тыс. тон рыбы, што складае 60,2% да прадугледжанага дзяржпраграмай задання. Пры гэтым з году ў год адзначаецца ўстойлівая тэндэнцыя зніжэння аб'ёмаў рэалізацыі таварнай рыбы.
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння13
Каментары