Еўрапейская камісія абавязала сем футбольных клубаў Іспаніі вярнуць у агульнай колькасці 70 мільёнаў еўра, атрыманых у выглядзе дзяржаўнай дапамогі.
Рашэнне тычыцца клубаў «Барселона», «Рэал», «Валенсія», «Атлетык Більбаa», «Асасуна», «Эльчэ і «Эркулес», якія атрымлівалі ад урада льготныя крэдыты і на гэтыя сродкі куплялі нерухомасць.
Еўрапейскія рэгулятары прыйшлі да высновы, што атрыманне футбольнымі клубамі дзяржпадтрымкі з боку дзяржавы забяспечыла ім канкурэнтную перавагу над іншымі камандамі і парушыла еўрапейскае заканадаўства.
Жыллёвае будаўніцтва і аперацыі з зямельнымі ўчасткамі — адна з самых важных крыніц даходу іспанскіх футбольных клубаў.
Толькі адна ўгода з нерухомасцю ў іспанскай сталіцы прынесла самому багатаму ў свеце футбольнаму клубу — мадрыдскаму «Рэалу» — 18,4 мільёнаў еўра прыбытку, якія ён цяпер павінен вярнуць у казну.
Камісар ЕС па пытаннях канкурэнцыі Маргрэтэ Вестагер заявіла, што, займаючыся самафінансаваннем, каманды несумленна выкарыстоўвалі грошы падаткаплацельшчыкаў.
На фоне шматмільённых выдаткаў на куплю гульцоў і трансферныя ўгоды, якія могуць сабе дазволіць вядучыя іспанскія футбольныя клубы, сума выплат, якой іх абклала Еўракамісія, выглядае адносна невялікай.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары