У гандлёвым цэнтры «Алімпія» на поўначы Мюнхена адбылася страляніна. Да месца здарэння сцягнутыя падраздзяленні паліцыі, ідзе спецаперацыя, паведамляе ВВС.
Паводле папярэдняй інфармацыі, у будынку знаходзіцца ўзброены чалавек. Тэрыторыя вакол гандлёвага цэнтра ачэпленая.
Паводле дадзеных газеты Bild, узброены мужчына забег у гандлёвы цэнтр і параніў некалькіх чалавек.
Мюнхенскае выданне Abendzeitung Muenchen паведамляе, што загінулі 15 чалавек, аднак афіцыйнага пацверджання гэтай інфармацыі няма.
Усё адбылося ў памяшканні аптэкі, якая знаходзіцца ў гандлёвым цэнтры.
Нямецкія службы бяспекі знаходзяцца ў стане баявой гатоўнасці пасля таго, як 18 ліпеня ў Баварыі мігрант напаў з сякерай на пасажыраў цягніка. Тады ўлады папярэджвалі аб небяспецы далейшых нападаў.
Каментары