Расійскія самалёты перасталі лятаць з іранскай базы пасля крытыкі з боку Тэгерана
Расія больш не выкарыстоўвае іранскую авіябазу для нанясення авіяўдараў у Сірыі, паведаміла ў панядзелак Міністэрства замежных спраў Ірана.
«Расія не мае базы ў Іране. Яны дзейнічалі, і іх аперацыя скончылася», — гаворыцца ў паведамленні, перадае Reuters.
Усяго за некалькі гадзін да гэтага міністр абароны Ірана Хусэйн Дэган раскрытыкаваў Маскву за тое, што яна афіцыйна паведаміла пра дзеянні з іранскай тэрыторыі.
Кадр з відэа Мінабароны РФ, на якім знішчальнік-бамбардзіроўшчык Су-34 з іранскай базы ў Хамадане бамбіць тэрыторыю Сірыі.
Па меркаванні іранскага міністра, Масква такім чынам вырашыла зрабіць з выкарыстання базы ў Іране сабе рэкламу, прадэманстраваць сваю сілу і пры гэтым парушыла той давер, з якім да яе паставіўся Тэгеран.
Раней Дзяржаўны дэпартамент ЗША назваў размяшчэнне расійскіх самалётаў у Іране дрэнным крокам.
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары