Прэзідэнт Пятро Парашэнка заяўляе, што ваеннага вырашэння праблемы цэласнасці Украіны не існуе, адзіны шлях — палітыка-дыпламатычны. Пра гэта ён заявіў у аўторак, выступаючы са штогадовым пасланнем у Вярхоўнай Радзе.
«Мы разумеем, што ваеннага рашэння праблемы тэрытарыяльнай цэласнасці Украіны не існуе», — сказаў прэзідэнт.
«Па-першае, патэнцыял нашага войска толькі абарончы. Па-другое, вораг акапаўся ў найбольш урбанізаваных і густанаселеных раёнах, населеных нашымі суайчыннікамі. Адзіны шлях у пытанні аднаўлення тэрытарыяльнай цэласнасці — палітыка-дыпламатычны. Але пры гэтым з апорай на абаронныя магчымасці Узброеных сіл Украіны».
«Асабіста я не хацеў бы ні чарговай мабілізацыі, ні ваеннага становішча. Але ці будзе чарговая хваля… канчатковы адказ залежыць ад Масквы», — дадаў прэзідэнт Украіны.
Пры гэтым ён нагадаў, што з усіх дзяржаў Украіна мае самую працяглую мяжу з Расіяй і пагроза ад яе захоўваецца.
«Расія пастаянна нарошчвае вайсковую прысутнасць і гуляе цягліцамі на заходнім і паўднёва-заходнім стратэгічных кірунках», — адзначыў кіраўнік дзяржавы. Па словах прэзідэнта Украіны, высокі ўзровень пагрозы ўзброенай агрэсіі захоўваецца з паўднёвага кірунку.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза25
Каментары