Prezident Piatro Parašenka zajaŭlaje, što vajennaha vyrašeńnia prablemy cełasnaści Ukrainy nie isnuje, adziny šlach — palityka-dypłamatyčny. Pra heta jon zajaviŭ u aŭtorak, vystupajučy sa štohadovym pasłańniem u Viarchoŭnaj Radzie.
«My razumiejem, što vajennaha rašeńnia prablemy terytaryjalnaj cełasnaści Ukrainy nie isnuje», — skazaŭ prezident.
«Pa-pieršaje, patencyjał našaha vojska tolki abarončy. Pa-druhoje, vorah akapaŭsia ŭ najbolš urbanizavanych i hustanasielenych rajonach, nasielenych našymi suajčyńnikami. Adziny šlach u pytańni adnaŭleńnia terytaryjalnaj cełasnaści — palityka-dypłamatyčny. Ale pry hetym z aporaj na abaronnyja mahčymaści Uzbrojenych sił Ukrainy».
«Asabista ja nie chacieŭ by ni čarhovaj mabilizacyi, ni vajennaha stanovišča. Ale ci budzie čarhovaja chvala… kančatkovy adkaz zaležyć ad Maskvy», — dadaŭ prezident Ukrainy.
Pry hetym jon nahadaŭ, što z usich dziaržaŭ Ukraina maje samuju praciahłuju miažu z Rasijaj i pahroza ad jaje zachoŭvajecca.
«Rasija pastajanna naroščvaje vajskovuju prysutnaść i hulaje ciahlicami na zachodnim i paŭdniova-zachodnim stratehičnych kirunkach», — adznačyŭ kiraŭnik dziaržavy. Pa słovach prezidenta Ukrainy, vysoki ŭzrovień pahrozy ŭzbrojenaj ahresii zachoŭvajecca z paŭdniovaha kirunku.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi17
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary